MHADA Flats : मुंबई किंवा पुण्यासारख्या शहरात स्वतःचं घर असावं, हा विचार येताच मनात पहिल्यांदा येतं ते म्हणजे ‘महागाई’चं भूत… पण यावेळी म्हाडा तुमचं हे स्वप्न प्रत्यक्षात उतरवण्यासाठी तयार आहे. विचार करा — जिथं घराची किंमत तब्बल 90 लाख रुपये असते, तिथं तेच घर तुम्हाला फक्त 28 लाखांत मिळू शकतं! हे कुठलं स्वप्न नाही, तर म्हाडा लॉटरीची खरी ताकद आहे.
सामान्य माणसाला परवडेल अशा दरात, सुरक्षित आणि प्राईम लोकेशनवर घर घेण्याची ही एक खूपच जबरदस्त संधी आहे. अशा ऑफर रोज रोज मिळत नाहीत, म्हणूनच ही योजना सामान्य माणसासाठी खास आहे. अशातच आता या योजनेबद्दल एक मोठी खुशखबर आली आहे, ती म्हणजे म्हाडाच्या या योजनेसाठी अर्ज करण्याची शेवटची तारीख पुढे ढकलण्यात आली आहे. त्यामुळे या घरासाठी अर्ज करायला तुम्हाला मोठा वेळ मिळाला आहे. चला जाणून घेऊया संपूर्ण माहिती..
तुम्ही अजून म्हाडाच्या घरासाठी अर्ज केला नाही का? मग तुमच्यासाठी चांगली बातमी आहे. पुणे गृहनिर्माण आणि क्षेत्रविकास मंडळानं अर्ज भरण्याची मुदत वाढवली आहे. आता तुम्ही 20 नोव्हेंबर 2025 रोजी रात्री 11.59 वाजेपर्यंत अर्ज करू शकता. ही संधी फक्त पुणे-पिंपरीच नाही, तर सोलापूर, कोल्हापूर आणि सांगलीसह पीएमआरडी परिसरातील एकूण 4,186 घरांसाठी आहे. म्हणजेच, ज्यांना परवडणारं आणि विश्वासार्ह घर हवंय, त्यांच्यासाठी म्हाडाने अजून एक गोल्डन चान्स दिला आहे. तर मग उशीर नको – अजून वेळ आहे, तुमचं स्वप्नातील घर या लॉटरीतून मिळू शकतं.
सोशल मीडियावर मिळालेल्या माहितीनुसार, पुण्यातील वाकड परिसरात तब्बल 90 लाखांचे घर फक्त 28 लाखांत घेण्याची संधी उपलब्ध झालेली आहे. ऐकून विश्वास बसणार नाही, पण ही ऑफर अगदी खरी आहे. कारण ही घरे म्हाडाच्या पुणे विभागाच्या लॉटरीअंतर्गत देण्यात येत आहेत. या प्रकल्पाचं नाव आहे ‘यश्विन अर्बो सेंट्रो‘.. हा प्रीमियम हाऊसिंग प्रोजेक्ट वाकडमधील भूमकर चौकाजवळ, इंदिरा गांधी कॉलेजच्या परिसरात, थेट हायवे टच लोकेशनवर उभारला जात असून सुप्रसिद्ध विलास जावळकर ग्रुप हा प्रकल्प विकसित करत आहे. येथे 2 BHK आणि 3 BHK अशा प्रकारचे आकर्षक फ्लॅट्स उपलब्ध आहे. या प्रकल्पात 28 घरे खास म्हाडा योजनेसाठी राखीव ठेवण्यात आली आहेत. म्हणजेच, पुण्यातल्या प्राईम लोकेशनवर स्वस्त दरात घर घेण्याची ही एकदम परफेक्ट संधी आहे.
90 लाखांचा फ्लॅट फक्त 28 लाखांत.. पण कसं शक्य आहे?
सध्या हा प्रकल्प अजून बांधकामाच्या टप्प्यात आहे. म्हाडाच्या या योजनेअंतर्गत उपलब्ध घरांचा कार्पेट एरिया सुमारे 500 ते 600 स्क्वेअर फूट असून, त्यांच्या किंमती 28.42 लाख ते 28.74 लाख दरम्यान आहेत. आश्चर्याची बाब म्हणजे, याच परिसरात इतक्या प्राईम लोकेशनवरील फ्लॅट्सची बाजारातील किंमत साधारण 80 ते 90 लाख इतकी आहे. त्यामुळे केवळ 28 लाखांत इतक्या दर्जेदार आणि मध्यवर्ती ठिकाणी घर मिळणं ही म्हाडाकडून मिळालेली सुवर्णसंधी मानली जात आहे.
‘यश्विन अर्बो सेंट्रो’, वाकडसाठी अर्ज कसा कराल?
या म्हाडा प्रकल्पासाठी अर्ज करण्याची प्रक्रिया अगदी सोपी आहे. सर्वप्रथम तुम्हाला म्हाडाची अधिकृत वेबसाइट https://lottery.mhada.gov.in येथे भेट द्यावी लागेल. महाराष्ट्र गृहनिर्माण आणि क्षेत्रविकास प्राधिकरणाच्या (MHADA) या पोर्टलवरच नोंदणी, अर्ज भरने, कागदपत्रे अपलोड करणे आणि पेमेंट या सर्व पायऱ्या एकाच ठिकाणी पूर्ण करता येते. वेबसाइटवर लॉगिन केल्यानंतर “Pune Board Lottery 2025” हा विभाग निवडा. त्यामध्ये तुम्हाला ‘Yashwin Urbo Centro, Wakad’ हा प्रकल्प सहज सापडेल. पुढील सर्व प्रक्रिया म्हणजे अर्ज भरण्यापासून फी भरण्यापर्यंत ही प्रक्रिया अत्यंत सोपी आहे. ही संपूर्ण ऑनलाइन प्रक्रिया तुम्ही मोबाइल किंवा कॉम्प्युटरवरून सहज आणि यूजर-फ्रेंडली पद्धतीने पूर्ण करू शकता.
